Shaqaale, shaqabixiye iyo shirkado

Maxaa dhacaya haddii aad xanuunsatid oo aadan shaqeyn karin? Maxay tahay caawimaadda dhaqaale ee aan heli karo haddii aan shirkadle ahay? Boggan waxan ku ururinnay isku xirayaal ku aaddan macluumaadka hey’adaha dowladda ee tusaale ahaan ku saabsan shirkadaha, shaqaleysiinta iyo jirro ku maqnaashada.

ID28

Shaqabixiye

Shaqa bixiyayaasha fursadda u heysta in ay shaqaalaha u oggolaadaan in ay guriga ka soo shaqeeyaan wey ka fikiri karaan in ay taas ku taliyaan. In fogaansho laga soo shaqeeyo waxay yeelan kartaa saameyn hoos u dhigeysa faafitaanka, sidaasna culeyska uga dejineysa laamaha caafimaadka, gaar ahaan gobalka Stockholm.

ID77

Talo, warbixin iyo tusaale loogu talogalay shirkadlayda xilliga xagaaga

Cudur baahid waxay shuruudo gaar ah ku xujaysaa dhamaan kuwa qaban-qaabinaya hawl.  Macaamiisha iyo martidu waa inay awoodaan inay kala durkaan oo gacmaha dhaqaan, tani waxay hogaan u tahay sida aad u iibin karto alaab ama adeegyo. 

Xusuusi dadka ku soo booqday sida ugu fiican ee ay isaga ilaalin karaan qaadista cudur.  Ku caawi martidaada xarkaha meel lagu kala xiro, calaamadaha dhulka lagu dhajiyo, tabeelaha macluumaadka ee banaanka la dhigo, qoraalo ogeysiis ah ama macluumaad la saaro miisaska meelaha ay ka jirto khatar ah in ay ciriiri noqoto.  

Hey'adda badbaadada bulshada iyo heeganka (MSB) waxay leedahay bog intarnatka ah halkaas oo ay ku ururiyeen tusaalooyinka fiican ee sida dad kale sameeyeen dhanka shaqooyinkooda si loo joojiyo faafinta cudurkan. Boggu waa af-Iswiidhish. Tusaalooyinkan waxaa laga soo qaatay laamaha ganacsiga ee kala duwan sida maqaaxiyaha cuntada, maqaaxiyaha kafeega, meelaha lagu dabaasho, meelaha banaanka la dego, gaadiidka dadweynaha iyo badmaaxnimada.

Halkaas waxaa xitaa ku jirta liistada waxyaabaha la iska hubinayo, tabeelaha macluumaadka ee banaanka la dhigo iyo qoraalada ogeysiiska, kuwaas oo aad awoodo inaad soo dejisato, daabacato oo u isticmaasho hawshaada shaqo.  

ID29

Talooyin guud oo loogu tala galay meelaha ay hawluhu ka socdaan

Cid walba waxay mas’uuliyad ka saarantahay in ay ka hortagto faafitaanka cudurka covid-19. Hey’adda caafimaadka bulshadu waxay soo saartay talooyinka guud ee soo socda ee ku jiheysan meelaha hawluhu ka socdaan ee Iswiidhan:

  • Si qoraal ah macluumaadka ugu muuji booqadayaasha, shaqaalaha iyo macaamiisha.
  • Dhulka ku calaamey masaafada la isu jirsanayo meelaha ay dhici karto in saf lagu galo.
  • Alaabta meesha u dhig si ciriiri ka fogeyneysa.
  • Kulamada digital ka dhig.
  • Hubi in gacmaha lagu dhaqi karo saabuun iyo biyo ama la isticmaali karo jeermis dilaha gacmaha la marsado.
  • Xadey inta qof ee isku hal mar goobta joogi karta.

ID30

Talooyin ku socda maqaayadaha iyo meelaha lagu sharaabo

Si loo yareeyo faafitaanka covid-19 waxaa sidoo kale baararka, biibitooyinka iyo maqaayadaha khuseeya sharciyo cuscusub.

  • Maaha in ay dadka ciriir ku noqdaan safafku, miisasku ama meelaha cuntada lagu soo gurto ama miisaska lacagta lagu bixiyo, booqadayaashu waa in ay masaafo isu jirsan karaan.
  • Booqaduhu waa in uu dadka kale ee ay isla joogaan u jirsadaa ugu yaraan hal mitir.
  • Meelaha miiska leesugu soo adeego waa in ay dadka u suurta geliyaan in ay gacmaha saabuun iyo biyo ku dhaqdaan ama marsadaan aalkolada gacmaha.
  • Meelaha miiska leesugu soo adeego waa in ay booqadayaasha ku wargeliyaan sida ay u yareyn karaan khatarta faafitaanka cudurka.
  • Booqadayaashu waa in ay iyagoo miis fadhiya wax cunaan, waxna cabaan. Shaqaaluhu waa in ay waxyaabaha la dalbaday dadka u geeyaan.
  • Haddii ay suurta gal tahay in martidu ay cuntada iyo cabitaanka dalbato oo ay qaadato waa la oggolyahay taas, ilaa inta aysan taasi keeneyn ciriiri ama safaf.
  • Cuntada la qaadano waa caadi, ilaa intii sidaas la samayn karo iyadoo ay bilaa ciriiri tahay dadka dhexdooda.
  • Maqaayadaha iyo meelaha ku yaal meelaha ciyaaraha barafka lagu qabsado xeerarka wey soo gelayaan.
  • Sharciga ku meel gaarka ee talaabooyinka ka hortagida cudurada faafa ee dhanka meelaha hortooda wax lagu cuno/cabo micnahiisu waa in maqaaxiyaha cuntada iyo meelaha kafeega ay mas’uul ka yihiin inay qaataan talaabooyinka lagaga hortagayo faafida covid-19.  Boggana intarnatka wuxuu aadayaa Hey’adda caafimaadka bulshada, boggan waa af-Iswiidhish.
  • Dhanka regeringen.se waxaa ku jira macluumaad dheeraad ah kuna saabsan nidaamyada loogu talogalay hoteelada, maqaaxiyaha cuntada iyo meelaha la dego marka hawo geddiska loo baxo.

Sida xeerka cusub ku cad degmooyinka ayaa mas’uul ka ah ka warheynta meelaha miiska leesugu soo adeego. Haddii aad u aragtid in aan sharciga la raaceyn waxaad la xiriiri kartaa degmada ay ku taal meesha dibadda leesugu soo adeego.

ID88

Shirkadaha gaadiidka dadweynaha iyo ciriiriga

Degmooyinka iyo Goballada Iswiidhan, SKR, ayaa isku ururiyay waxa shirkadaha gaadiidka dadweynuhu ay sameyn karaan si loo yareeyo ciriiriga oo sidaasna looga hortago faafitaanka cudurka. Shirkadaha abaabula safarrada basaska-, tareennada- ama xagga badda ayaa u taliya sharciyada khuseeya waxa lagu safrayo ee ay shirkaddu leedahay. Xeerarka noocaas ah waxay tusaale ahaan ka dhignaan karaan in la yareeyo tirada rakaabka ah ee gaadiidka raacaya iyo inta masaafo ahaan ay rakaabku isu jirjirsanayaan.

Shirkadaha gaadiidka dadweynaha waxaa loola jeedaa hey’adaha dowladda ee gaadiidka dadweynaha ee goballada, shirkadahooda iyo shirkadaha gaarka loo leeyahay.

Uppdaterades