Safarrada dibadda

Wasaaradda arrimaha dibaddu waxay iminka dadka kala talineysaa in ay waddamo badan u safraan. Waxa sidoo kale jirta mamnuucid saaran safarada aan muhiimka aheyn ee Iswiidhan loogaga imanaayo wadamada Midowga Yurub ka baxsan badankooda. Halkan waxaan isugu ururinnay macluumaadka hey’adaha dowladda ee ku aadan safarrada dibadda.
Uppdaterades

ID120

Shuruud ah tijaabo negatif ah/inaan la qabin covid-19 oo laga rabo dadka ajaanibka ah.

Muwaadiniinta ajaanibka ah ee 18 sanno jirka ah ama ka weyn waa inay warqad shahaado ah oo natiijo tijaabo muujinaysa inaan la qabin/negatif ah covid-19 tusaan si ay Iswiidhan ugu soo safraaan. Waxa hase yeeshee, jira waxyaabo shuruuda tijaabada ka reeban, (boggu waxa uu ku qoran yahay af Iswiidhish) tusaale ahaan muwaadiniinta ajnabiga ah ee Iswiidhan ka diiwaangashan, ama Iswiidhan degan ee haysta sharci deggenaasho ah oo shaqeynaaya, xuquuqda degganaanshaha ama meeqaamka degganaanshaha ah haysta. 

Xidaadaha saarnaa ka soo gelitaanka Danmark, Finland, Island iyo Norway ayaa  31 Maayo 2021 meesha laga saareyaa.

Waa inay ugu badnaan 48 saacadood ka soo wareegeen inta u dhaxaysa marka tijaabada lagaa qaaday iyo marka xadka laga gudbaayo. Dadka shaqada maalinkasta ugu safra iyo dadka xadka ka shaqeeya waa inay tusi karaan tijaabo ugu badnaan hal todobaad ah. Waxay xeerarka cusubi kaabayaan xayiraadii soo gelitaanka ee hore ugu jirtay. 

Tijaabooyinka noocan ah ayaa la ogol yahay: Tjaabada Antigen-ka, tijaabada PCR-ka, tijaabada LAMP-ga iyo tijaabada TMA-da.

Macluumaadkaasi waa inuu warqada shahaado ah ku qoran yihiin si ay qaar ansaxsan/shaqeynaaya ugu noqdaan:

  • Magaca qofka tijaabada laga qaadey
  • Xiliga tijaabada la qaaday
  • Nooca tijaabada la qaaday haddii ay tahay tijaabada Antigen-ka, tijaabada PCR-ka, tijaabada LAMP-ga iyo tijaabada TMA-da.
  • Natiijada tijaabada
  • Cidda warqada shahaadada ah bixisay

Waa inuu macluumaadku ku dhigan yahay af Iswiidhish, Ingiriisi, Norwiiji ama Deenish.

Macluumaadka Folkhälsomyndighetens ee ku saabsan shuruuda tijaabada (boggu waxa uu ku qoran yahay Iswiidhish)

ID14

Soo galitaan Midowga Yurub oo laga mamnuucay wadamada ka baxsan

Mamnuucid ayaa saaran safarada aan muhiimka aheyn ee Iswiidhan loogaga imanaayo wadamada Midowga Yurub ka baxsan. Waxay mamnuucidu shaqeynaysaa ilaa 31 Ogosto 2021.

Dhowr waddan ayaa laga dhaafay tan. Waxa go'aaminayaa waa haddii aad ku nooshahay mid ka mid ah waddamada, ee ma aha inaad dhalashadooda sidato. Dadka Iswiidhan u soo safraaya waa inay sidaa darteed u diyaar garoobaan inay cadeeyaan inay degan yihiin mid ka mid ah waddamadaa si loogu ogolaado inay inay soo galaan:

  • Australien
  • Nya Zeeland
  • Rwanda
  • Singapore
  • Sydkorea
  • Thailand
  • Israel
  • Japan

Muwaadiniinta Iswiidhishka ah iyo muwaadiniinta dalalka kale oo Midowga Yurub/EES ayaanay khuseynin mamnuucida soo gelitaanku. Muwaadiniinta ka soo jeeda waddan kale ee Midowga Yurub/EES-ta ahi waa inay tusaan tijaabo cadeynaysa inaan covid-19 la qabin oo ugu badanaan 48 saacadood jir ah. Waxa muwaadiniinta Iswiidhishka ah lagula talinayaa inay marka wadanka dibadiisa soo joogeen ka dib ay istijaabiyaan.

Baaritaanka/kantaroolka xadka Iswiidhishka ah ayaa go'aaminaaya sida ka reebanaanta loo turjumaayo iyo noocyada go'aamada la gaaraayo, laakiin waa masuuliyada qofka musaafirka ah inay baaritaanka xadka u cadeeyaan xaqa ay u leeyihiin ka reebanaanta. Waxa sidaas darteed loogu baahan yahay in tusaale ahaan la tusi karo cadeyn shaqo ama warqad laga soo qaatay diiwaanka qaranka. 

Booliiska kala soo xiriir telefoonka 114 14 haddii aad qabto su'aalo khuseeya soo galitaanka Iswiidhan.

Waxaad boggagan xukuumada iyo Booliiska ku jira macluumaad dheeraad ah oo soo galitaanka ku saabsan.
(Boggagu waxay ku qoran yihiin af Iswiidhish)

Ka imaanshaha wadamada Yurub gudaheeda 

Qofka Iswiidhan uga soo safraaya waddamada kale ee ka tirsan EES-ta ayaa loo oggolaanayaa inuu soo galo haddii uu tusi karo tijaabada covid-19 oo muujineysa inaan la qabin taas oo 48 saacadood jir ah. Waxa boqortooyada Ingiriiska markaas khuseeya xayiraadda guud ee saaran soo galitaanka waddamada ka baxsan Midowga Yurub/EES.

Haddii aad waddanka dibadiisa joogtey

Haddii aad wadanka dibadiisa soo joogtey

Shuruud ayay tahay inaad markaad wadanka soo gasho aad sidato tijaabo muujinaysa inaanad qabin fayruska

Wixii safaro ah ee Danmark, Finland, Island iyo Norway, toos loogaga imanaayo Iswiidhan ayaanay wax shuruud ahi saarneyn in marka la soo galo la haysto tijaabo muujineysa inaan la qabin covid ahi. Muwaadiniinta dhalashada wadamada kale sita ee wadamada kale oo dhan ka imaanaaya waa inay tusaan natiijada tijaabo muujineysa inaan la qabin covid, haddii aan laga mid aheyn mid ka mid ah kuwa ka reeban shuruuda saaran tijaabada.

Waxyaalaha ay Folkhälsomyndigheten soo jeedinayso marka la soo galo ka dib

Muwaadiniinta Iswiidhishka ah iyo kuwa dhalashada wadamada kale sita  ee ka soo safray Midowga Yurub/EEA, aagga Schengen, Boqortooyada Ingiriiska iyo qaar waddamada seddexaad ka mid ah ayaa laga reebayaa talobixinta Folkhälsomyndigheten ee ah inay is tijaabiyaan markay Iswiidhan soo galaan ka dib oo ay hal todobaad is karantiimeeyaan.

Dadka musaafiriinta ah ee wadamada kale oo dhan ka yimaada waxa shaqeynaaya talobixinta aheyd inay is tijaabiyaan oo ay is karantiimeeyaan hal todobaad ka dib markay soo galaan, xitaa haddii aanay calaamado lahayn.

Dadka tallaalada wada dhameystay ee aan calaamado laheyn ayaa talobixinta Folkhälsomyndigheten ee is tijaabinta iyo is karantiimeynta marka la soo galo ka dib laga saarayaa iyadoon loo eegeynin meesha la soo joogay ka hor intaan Iswiidhan la soo galin.

Wax dheeraad ah ka akhri bogga internedka ee Folkhälsomyndigheten.(boggu waxa uu ku qoran yahay af Iswiidhish)

ID15

In wadanka dibadiisa loo safro

Waxay Wasaarada Arimaha Dibadda (MFA) dadka kala talineysaa safarada aan muhiimka aheyn ee lagu tagaayo wadamada aduunka intooda badan ee ka baxsan EU, EEA, Schengen iyo Boqortooyada Ingiriiska. Waxay kala talintu shaqeynaysaa ilaa iyo 1 Janaayo 2021.

Wadamada soo socda ayaa ka reeban oo hadda lagu qiimeynayaa inay amaam tahay in loo safro.

Is diyaarsi oo si wanaagsan warka ula soco

Xaaladda Yurub ayaa wali ah mid aan sugneyn. Musaafir ahaan ayaad u baahan tahay inaad ka fiirsato safarkaaga.

  • Iska ilaali inaad safarto haddii aad calaamado leedahay.
  • Ahow qof si wanaagsan warka ula socda oo raac talooyinka iyo tilmaamaha maamulka deegaanka ee goobta ka jira. Xayiraado iyo xeerarka maxall ah ayaa jira kuwaas oo dhakhso iskugu bedeli kara. Waxa tusaale ahaan jiri kara shuruud ah in af saab la xirto iyo xeerarka khuseeya in masaafad la isku jirsado.
  • Xiriir dhow la lahow shirkadaada safarka oo hubso caymiskaaga.
  • Raac shuruucda iyo talobiximaha ka shaqeynaaya garoonka diyaaradaha, diyaaradda dhexdeeda iyo meesha aad u safreyso. Haddii aanad kuwaas raacin waxaad khatar ugu jirtaa in galitaanka diyaarada laguu diido, ama inaanad soo gelin dalka aad u safartay.
  • Waa inaad haysato lacag ku filan ood ugu talogasho dhacdooyinka lama filaanka ah ee safarka, tusaale ahaan haddii uu dib u dhac yimaado.
  • La soo deg barnaamijka app-ka UD Resklar si aad u hesho macluumaad hadda jira oo ku saabsan halka aad u socoto.
  • Waxa uu sidoo kale safiirku hayaa  macluumaadka socdaalka ee markaa taagan ee ku jira Sweden Abroad. (boggu waxa uu ku qoran yahay af Iswiidhish)

Wasaarada Arimaha Dibadda ama hey'adaha ajaanibta ee Iswiidhan ma awoodi doonaan inay kaa caawiyaan xagga gaadiidka Iswiidhan loogu soo laabanaayo hadddii ay kugu adkaato inaad dalka dib ugu soo laabato xaaladda jirta darteed. Waxay Wasaarada Arrimaha Dibadda leedahay lambar telefoon oo gaar ah oo loogu talogalay su'aalaha ku saabsan fayruska Korona iyo safrida. 08-405 92 00.

Wixii arimaha qunsuliyada qaabilsan ee degdega ah, wac waaxda gurmadka qunsuliyadaha ee Wasaaradda Arimaha Dibadda lambarka telefoonka ee: 08-405 50 05.

ID16

Maxay yihiin sharciyada waddamada kale khuseeya?


Waddammada qaar waxay u baahanyihiin caddeyn ku aaddan in aadan qabin covid-19 si aad waddankooda u gashid. Waddamo kale waxay u baahanyihiin caddeyn si muwaadiniintoodu ay ugu guryo noqon karaan iyagoon u baahan in karantiil la geliyo. Waxay wadamada kala duwani dalbanayaan shahaadooyin kala duwan, waa inaad sidaas darteed ka war haysaa waxa aad u safrayso khuseeya.

In shahaadada safarka la bixiyo ayaan kamid ahayn shaqada caadiga ah ee daryeelka caafimaadka. Hase yeeshee waxa jira goobo caafimaad oo bixinaya baaritaanno loogu talogalay shahaadooyinka safarka.