Safarrada dibadda

Wasaaradda arrimaha dibaddu waxay iminka dadka kala talineysaa in ay waddamo badan u safraan. Waxaa sidoo kale taagan mamnuucid ku aaddan saffarada Iswiidhan lagu imaanayo ee aan lagama maarmaanka ahayn ee ka imaanaya meelo ka baxsan Yurub. Halkan waxaan isugu ururinnay macluumaadka hey’adaha dowladda ee ku aadan safarrada dibadda.

ID14

Mamnuucid ku meel gaar ah oo ku saabsan safar ku imaashada Iswiidhan


Dawladu waxay go’aamisay in la joojiyo safarada aan loo baahnayn ee lagu imanayo Iswiidhan lagagana imanayo dalal ka baxsan Midowga Yurub. Ulajeeddadu waa in la khafiifiyo cawaaqibka faayraska koroona baahidiisa loona yareeyo faafinta covid-19

Kuwa soo socda ayaa soo gelid ka mamnuucidda laga reebay:

  • muwaadiniinta iswiidhishka ah
  • xubnaha qoysaska muwaadiniinta Iswiidhishka ee u shaqeeya shirkad Iswiidhish ah, hey’ad dowladeed oo Iswiidhish ah ama ururrada caalamiga ah ee dibadda, haddii shaqa bixiyhuhu uu halkan ugu yeeryay qofka shaqaalaha ah iyo/ama ciddi la socota
  • muwaadiniinta u dhashay waddan kale oo ka mid ah waddamada EES, Ingiriiska ama Switzerland ama xubno ka tirsay qoysas u dhashay waddamada EES ama Ingiriiska ama Swtitzerland
  • dadka sharci deganaansho ama xaqa deganaansho ku leh Iswiidhan ama Midowga Yurub
  • dadka haysta fiise qaran oo ansax ku ah in loogu soo safro Iswiidhan.
  • Dadka ajaanibta ah ee qaaba baahida gaarka ah ama Iswiidhan ka qabanaya hawlo lagama maarmaan ah waa laga reebi karaa mamnuucidda, tusaale ahaan.
  • shaqaalaha caafimaadka
  • dadka ka shaqeeya gaadiidka badeecooyinka daabbula, tusaale ahaan cuntada iyo dawooyinka
  • badmaaxiinta shaqada ku jira iyo kuwa ka baxaya iyo darawallada xirfaddoodu tahay gaadiid wadidda ee gaadiidkooda iyo xamuulkoodu uu Iswiidhan ku suganyahay
  • dadka leh sababo qoys oo wax khasbaya.
  • Ciidamada xudduudaha ee Iswiidhishka ayaa go’aaminaya sida qiil u dayidda loo macneynayo iyo go’aamada la gaarayo.
  • Shaqaale xilliyada qaar ka shaqeeya beeraha, dhir-beerista, nafaqeynta jardiinooyinka (ka reebitaanku wuxuu shaqeynayaa laga billaabo 8 Juun).

ID15

Dalalka aan socdaal ku tegi karo waa kuwee?

Wasaaradda arrimaha dibadda waxay ku talinaysa in dalal badan aan socdaal loogu tegin, waa haddii socdaalada aynan aad muhim u ahayn. Dalalka loo socdaali karo waxaa kamid ah:

  • Haangari
  • Biljamka
  • Faransiiska
  • Giriigga
  • Island
  • Talyaaniga
  • Kroatia
  • Luxemburg
  • Bortaqiiska
  • Spain
  • San Marino
  • Monaco
  • Vaatikaanka
  • Andoora
  • Boolan
  • Jarmalka
  • Daanmaark
  • Noorway
  • Iswisarlaand
  • Jeega
  • Liechtenstein

  • Osteriya

  • Bulgaria
  • Holland
  • Romania
  • Qubrus
  • United Kingdom

Dalalka kale ee ku yaalaan Midowga Yurub, Is-bahaysiga dalalka Midowga Yurub, Norway, Iceland iyo Liechtenstein iyo kuwa loo yaqaanno dalalka Shengen, waxaa khuseeya talada wasaaradda ilaa markii taariikhda ay ku began tahay 23 setembar.

Kuwa kalena, (oo ka reeban Midowga Yurub, Is-bahaysiga dalalka Midowga Yurub, Norway, Iceland iyo Liechtenstein iyo kuwa loo yaqaanno dalalka Shengen) waxaa khuseeya talada wasaaradda ilaa markii taariikhda ay ku began tahay 15 setembar.

Sababta keentay in wasaaradda arrimaha dibaddu ay dadka kala taliso waddamadaas waa faafitaanka feyruska cusub ee corona iyo kalsooni darro ku aaddan safarrada dibadda ah.

Wasaaradda arrimaha dibaddu waxay furtay khad cusub oo ku aaddan feyruska corona iyo musaafiriinta: 08-405 92 00. Xaaladaha ad-adag ee degdegga ah ee khuseeya arrimaha qunsuliyadaha waxaa sidi caadiga ahayd lagala soo xiriiri karaa heeganka arrimaha ad-adag ee Wasaaradda arrimaha dibadda: 08-405 50 05. Labada nambarba waxaa looga jawaabayaa af-Iswiidhish ama af-ingiriis. Ha ku caawiso qof qaraabo ama saaxiib ah haddii aad u baahantihid in aad nala soo xiriirtid laakin aadna ku hadli karin af-Iswiidhish ama af-Ingiriis.

Haddii aad safar tikid u goosatay ama aad qorsheyneysid in aad safartid oo aad wax is wediineysid, macluumaad ka ag raadso shirkadda tikidka iibisa ee ku khuseysa ama abaabulayaasha safarka. Su’aalaha ku saabsan ceymiska qofka, kala xiriir shirkadda ceymiska ee ku khuseysa.

In lagu talinao in aan la gelin safaro aan loo baahnayn oo lagu tago dalal kale maaha ku baraarujin guud oo ah in dib loogu soo noqdo Iswiidhan.  Waxaa tusaale ahaan arinta ugu fiican ahaan karta in aan la safrin gebi ahaanba wakhtiyada soo socda.  Iyadoo laga fikirayo xaaladahan gaarka ah waxaa khasab ah in adigaaga safraya aad aqbasho heer ah wax ogaansho la’aan.  Dib u eeg xaaladaada gaarka ah, la xiriir kuwa mas’uulka ka ah safarkaaga ama shirkadaada diyaarada, raac tilmaamaha iyo talooyinka hey’addaha dawladeed ee maxaliga ah oo qaado macluumaadka safarka ee Wasaarada Arimaha Dibedda.

ID80

Si joogto ah uga war hay xaaladaha meesha aad u safreysid

Xaaladuhu ma sugna Yurub gudeheeda sidii ay horay u ahaydba. Ka musaafir ahaan waa in aad si fiican uga fikirtid safarkaaga, si fiican xaaladaha ula soco, raacna talooyinka iyo tilmaamooyinka hey’adaha maxalliga ah ee goobta ku sugan. Maaha in aad safartid haddii aad leedihid calaamado cudur. Waxyaabo reebban iyo xeerar maxalli ah ayaa jiri kara, si degdeg ahna wey isu beddeli karaan. Waxaa tusaale ahaan jiri kara shuruudo ku aaddan in afka la duubto iyo xeerar ku aaddan in masaafo bulshadu isu jir-jirsato.

Wasaaradda Arrimaha Dibadda ama hey’adaha dowladda ee dibaddu kuguma caawin karaan in Iswiidhan laguu soo qaado haddii ay kugu adkaato in aad waddanka u soo laabatid xaaladda iminka taaga awgeed. Sidaas darteed xiriir la lahaw shirkaddaada tikidhada, iskana eeg ceymiskaaga badbaadada.

Adigoo adeegsanaya app-ka UD Resklar waxaad macluumaad markaas taagan af-Iswiidhish uga heli kartaa meesha uu safarkaagu ku socotid. Safaaraduhu xitaa macluumaad markaas taagan ayey ku hayaan Sweden Abroad.

ID16

Maxay yihiin sharciyada waddamada kale khuseeya?


Waddamo badan waxay iminka soo rogaan tallaabooyin ay ku qaadayaan waqtiyo gaagaaban gudohood si ay u xaddidaan faafitaanka cudurka. Waxay tusaale ahaan noqon karaan xeerar khuseeya safarrada gudaha- iyo karantiil oo saameynaya fursadaha lagu soo geli karo waddanka ama lagu joogi karo. Bogga Sweden Abroad ayey safaaradaha iyo qunsuliyadaha Iswiidhan muwaadiniinta Iswiidhishka ee jooga dibadda ku siinaya macluumaadka markaas taagan.

Waddammada qaar waxay u baahanyihiin caddeyn ku aaddan in aadan qabin covid-19 si aad waddankooda u gashid. Waddamo kale waxay u baahanyihiin caddeyn si muwaadiniintoodu ay ugu guryo noqon karaan iyagoon u baahan in karantiil la geliyo.

Talooyin iyo tilmaamooyin ka socda Wasaaradda Arrimaha Dibadda (UD) oo ku aaddan in loo dhoofo ama laga soo dhoofo waddamo kale (waa af-Iswiidhish)

Macluumaad iyo isku xirayaal ku aaddan shirkado soo saara caddeynta safarka (waa af-Iswiidhish)

Uppdaterades