Isboorti iyo tababar

Munaasabadaha isboortigu waa ay sii socon karaan inta uu jiryo covid-19 iyadoo uu shardigu yahay inay abaabulayaashu raacaan xadeynta iyo mamnuucidda yareyn kara faafitaanka cudurka. Halkan waxaa ku jira macluumaad iyo isku xirayaan ku aaddan arrimaha tartamada iyo tababarrada.

ID51

Tartannada iyo ciyaaraha 

Laga billaabo 14 Juun waa la oggolaan doonaa munaasabadaha isboortiga ee aan daawadayaasha lahayn in ay ka dhacaan dhismooyinka dibaddooda. Taasi waxaa ay khuseysaa wixii isboorti ah oo dhan, heer kasta oo ay yihiin, xagga ragga iyo xagga dumarka intaba. Shuruuddo waxaa waaye in ay raacaan xeerarka khuseeya kulamada guud.

Go’aanka ku aaddan in la billaabayo hawlaha tartanku maaha in loo arko in si guud loo fududeeyay xadeymihi iyo talooyinki horay loo soo jeediyay. Waa mamnuuc in kulamo guud laysugu yimaado iyo in 50 qof in ka badan ay meel isugu yimaadaan, taasina wey khuseysaa xitaa taageerayaasha raba in ay munsaabadda raacaan.

ID34

Talo kugu socota adigaaga isboortiga iyo jimicsiga sameynaya

  • Haddii aad xanuunsantihid wax nashaadaad ah ha ka qeyb qaadan.
  • Haddii aad 70 sano ka weyntihid dhismooyinka gudohooda ha uga qeyb qaadan wax nashaadaad ah.
  • Ka fogaw xilliyada iyo jimicsiyada la isu dha-dhawaanayo.
  • Dharka guriga ku soo beddelo halki aad uga beddelan lahayd meesha tababarka lagu qato.
  • Qof kale ha la wadaagin caagga biyaha, waxa afka lagu daboolo iyo wixii kale ee soo gudbin kara candhuuf.
  • Maaddo jeermis dile ah ku qallaji qalabka ay dadka badani isticmaalaan ka dib marka la isticmaalo.
  • Si fiican gacmaha ugu dhaq saabuun iyo biyo ama aalkolada gacmaha la marsado.
  • Masaafo dadka kala ugu jirso goobaha isboortiga, meelaha dabaasha, meelaha jirdhishka iyo maqsinnada kale ee tababarka.

ID35

Talo ku socota ururrada isboortiga

  • Kala fogeeya dadka isboortiga sameynaya.
  • Isku daya in aad dibadda ku tababarataan haddii ah suurta gal tahay.
  • Xadeeya tirada daawadayaasha, ciriirina ka fogaada.

ID38

Meelaha lagu tababarto waa ay furnaan karaan


Goobaha jirdhiska, meelaha dabaasha iyo hoolalka isboortigu waa ay sii furnaan karaan laakin nashaadaadka waxaa loo baahan karaa in duruufaha la waafajiyo si loo yareeyo khatarta faafitaanka cudurka. Isku dubbaridayaasha hawluhu waa in ay khatarta qiimeyn ku sameeyaan iyagoo kaashanaya aaladda khatar qiimeynta Hey’adda caafimaadka bulshada.

Uppdaterades