Warar la xiriira feyruska corona

Uppdaterades

2022-05-24 N2212

Doos shanaad oo la siinaayo dadka waayeelka ah iyo kooxaha khatarta ugu jira

Cudurka aafada/safmarka ah ee Covid-19 ayaan wali dhammaan. Waxaynu Iswiidhan u baahannahay inaynu u diyaargarowno faafitaanka covid-19 oo ka sii badanaaya xilliga dayrta iyo jiilaalka ee soo socda, ayay soo qoraysaa Hay'adda Caafimaadka Bulshadu, taas oo iyadu soo jeedinaysa in doos shanaad oo tallaalka la siiyo dadka waayeelka iyo kooxaha khatarta ugu jira.

Dadka waaweyn ee 65 sano jirka ah iyo wixii ka weyn iyo sidoo kale dadka khatarta ugu jira ee 18 sano jirka laga bilaabo ayaa doos dheeraad ah oo kaabis ah loo soo jeedinayaa kaas oo loogu talogalay xilliga deyrta iyo jiilaalka ee soo socda.

Waxa ay talabixintu shaqeynaysaa laga bilaabo 1 Sibtembar iyadoo khusaysa dhamaan dadka leh khatar uu Covid-19 xumi ugu dhacaayo. Waxa dhammaan kooxahaas lagu soo qoray bogga Hay'adda Caafimaadka Bulshada.

Waxa dadka waaweyn ee ay da'doodu u dhaxayso 18–64 sano wali sii jira soo jeedintii aheyd saddex doos oo tallaalka ah. Laakiin qofka doonaaya inuu qaato doos kale oo dheeri ah oo lagu kaabaayo, doos afaraad, oo loogu talogalay xilliga dayrta ee soo socda ayaa sidaas sameyn kara. Waa inay gobolladu bixiyaan tallaalada la siinaayo dhammaan dadka waaweyn ee doonaya inay doos afraad qaataan.

Waxa carruurta ay da'doodu u dhaxayso 12–17 sano wali sii jirta soo jeedintii aheyd laba doos oo tallaalka ah.

2022-04-04 N2211

Dooska afraad ee tallaalka covid-19 oo la siinaayo dhamaan dadka laga bilaabo da'da 65 sano jirka ah

Waxay Hay'adda Caafimaadka Bulshadu soo jeedineysaa in dadka da'doodu tahay 65 sano jir iyo wixii ka weyn loo soo bandhigo tallaalka covid-19.

Waxay Hay'adda Caafimaadka Bulshadu horeyba doos afaraad oo tallaalka covid-19 ah ugu oo jeedineysay dadka ku nool hoyga gaarka ah ee waayeelka (SÄBO), dadka leh daryeelka adeega guriga ama daryeelka caafimaadka ee guriga. Hadda laga bilaabo ayay taas xitaa sidoo  ku jiraan dhamaan dadka da'doodu 65 sano jir tahay iyo wixii ka weyn, iyo sidoo kale dadka da'doodu 18-64 sano jir tahay ee leh difaac jidhka oo dhexdhexaad ah ama aad u liita.

Dooska labaad ee kaabista waa in loo soo bandhigaa laga bilaabo markay afar bilood ka soo wareegaan tallaalkii hore. Dadka difaacooda jidhku liito ayaa saddex bilood wakhtiga loogu soo gaabinayaa.

Faafitaanka infegshanka covid-19 ayaa wali Iswiidhan sii socda isagoo meelo Yurub ka mid ah sii kordhaaya. Dadka da'doodu tahay 65 sano jir iyo wixii ka weyn ayay hadda ku dhawaanaaya afar bilood kadib markii ay dooskii ka horeeyey qaateen, iyadoo uu difaaca tallaalku mudo kadib yaraado.

Dadka dooska afaraad hadda xilliga gu'ga loo soo bandhigaayo ayay u badantahay in xilliga deyrta loo soo bandhigi doono doos kaabis ah si difaaca loogu sii xoojiyo xilliga jiilaalka. Hay'adda caafimaadka bulshada ayaa arintaas go'aankeeda sanadka xagiisa danbe ka soo sheegi doonta.

Wax dheeraad ah ka akhriso Hay'adda Caafimaadka Bulshada.  (Boggu waxa uu ku qoran yahay af Iswiidhish)

2022-03-28 N2210

Waxay Iswiidhan qaadeysaa xayiraadii soo galitaanka ee wadamada oo dhan saarneyd

Xayiraada soo gelitaanka Iswidhan ee saarneyd dhamaan dalalka ka baxsan midowga Yurub/EA ayaa 1-da Abril 2022 joogsanaysa inay shaqeyso. Waxay sidoo kale taas micnaheedu yahay inaan dib loogu baahnayn inuu qofka shahaado tallaalka ama tijaabo uu iska qaaday sito marka uu Iswiidhan u soo safraayo

 

2022-02-14 N2209

Dooska labaad ee kaabista ah ayaa lagula talinayaa dadka khatarta weyn ugu jirro inay si xun ugu jiradaan

Waxay Hay'adda caafimaadka bulshadu ku talobixineysaa in dooska labaad ee kaabista tallaalka covid-19 ka ah la siiyo dadka ku nool hoyga SÄBO, dadka leh daryeelka adeega guriga ama daryeelka caafimaadka ee guriga iyo sidoo kale dhamaan dadka 80 sanno jirka ah iyo wixii ka weyn. Dooska labaad ee kaabista waa in ugu horeyn la siiyaa afar bilood ka dib kan koowaad.

Toddobaadyadii la soo dhaafay ayuu Covid-19 xoog ugu faafay xitaa dadka khatarta ugu jira inay si xun ugu jiradaan. Tusaale ahaan dadka degan hoyga SÄBO. 

Haliska inuu xanuun khatar ahi kugu dhaco ayaa sii kordhaysa kolba marka ay da'du ka sii korodho. Waxa uu tallaalku kaa illaalin doonaa cudurka, jirooyinka khatarta ah iyo in Covid-19 loogu dhinto iyadoo sidaas darteed ay Hay'adda caafimaadka bulshadu hadda ku talobixinayso in dadka khatarta ugu jira inay si xun ugu jiradaan la siiyo doos labaad oo  kaabis ah. Waxay taasi kooxtan ugu dhigan tahay inay iskugeyn dooskii afaraad ee tallaalka qaadanayaan.

Talobixintu waxay khuseysaa:

  • Dadka ku nool hoyga SÄBO
  • Dadka leh daryeelka adeega guriga ama daryeelka caafimaadka ee guriga
  • Dadka 80 sanno jir ah iyo wixii ka weyn

Gobolladu waxay bixinta dooska labaad ee kaabista bilaabi karaan ugu horeyn afar bilood ka dib markii la qaatey dooskii kaabista ee ka horeeyey. Waxa shaqada tallaalka gobolada laga bilaaban doonaa laga bilaabo toddobaadka 8.

Waxa weeye dooska kaabista ah ee hadda la isku soo jeedinayaa hal doos oo tallaalka Comirnaty ee Pfizer/Biontech ay sameyso ama doos nuskiis oo tallaalka Spikevax ee Moderna ay sameyso ah.

Wax dheeraad ah ka sii akhriso bogga internetka ee Hay'adda caafimaadka bulshada (Boggu waxa uu ku qoran yahay af Iswiidhish)

2022-02-07 N2208 

Mamnuucidii saarneyd ka soo safrida wadamada Midowga Yurub/EEA ku jira ayaa la qaaday

Waxa ay xukuumadu go'aansatay in ay ka qaado mamnuucidii saarneyd ka soo safritaanka dadka musaafiriinta ah ee Iswiidhan ka soo galaaya wadamada Waqooyiga Yurub (Norden) iyo wadamada kale ee Midowga Yurub iyo EEA-da. Go'aanku waxa uu shaqeynayaa laga bilaabo 9 Febraayo.

Sababta isbeddelka loo sameeyay waxa weeye iyadoo aanay Hay'adda caafimaadka bulshadu u aragto/ku qiimeynayso in xayiraada soo gelitaanku aan loo sii baahneyn marka dhinaca xakamaynta cudurka laga eego.

Waxa aanu go'aanka xukuumadu saameyn doonin ka soo gelitaanka Iswiidhan loogaga soo galaayo wadamo Midowga Yurub/EES ka baxsan. Waxa dadka musaafiriintaas ah wali sii saaran mamnuucid soo galitaanka ah, taas oo hadda sii shaqeyn doonta ilaa iyo 31 Maarso 2022.

2022-02-04 N2207

Xayiraadaha ayaa 9 Febraayo la qaadayaa

Xayiraadaha cudurka aafada dartiis loo soo rog badankooda iyo talobixinaha guud ayaa 9 Febraayo la qaadi/meesha laga saari doonaa. Waxa waxyaalaha taasi khuseysaa ka mid ah, xadidaada ka qeybqaateyaasha, cadeynta tallaalka iyo shuruuda masaafad kala fogaanshaha kooxaha dadka. Talooyinka iyo talobixinaha qaarkood ayaase wali sii jiri doona.

Tirada aadka u sareysa ee dadka tallaalka la gaarsiiyey iyo sidoo kale inuu fayruska Omicron keenaayo kiisas ka tiro yar oo jirro halis ah leh ayaa culayska daryeelka caafimaadka saaran hoos u dhimeysa. Sidaa darteed waxay Hay'adda caafimaadka bulshadu go'aansatay inay talaabooyinka Covid-19 ka dhanka ah badankooda meesha laga saaro/la qaado laga marka laga bilaabo Arbacada 9 Febraayo. Waxa ay sidooo kale hay'adu codsatay inay xukuumada iyo baarlamaanku go'aan ka gaaraan inaan hadda ka dib Covid-19 loo arkin inuu yahay cudur guud oo bulshada halis ku ah.

Talooyinka iyo talobixinaha qaarkood ayaa sii jiri doona. Waxa kuwaasi ka mid ah taloda gaarka ah ee dadka aan is tallaalin la siinaayo iyo in dhamaan dadka calaamadaha Covid-19 lehi ay guriga joogaan oo ay xiriirka dadka kale ka fogaadaan.

Tusaale ka mid ah xayiraadaha 9 Febraayo la qaadi doono

  • Saqafka ugu sareeya ee ka qeybqaateyaasha munaasibadaha dadweynaha, isku imaadyada/kulamada dadweynaha, carwooyinka iyo munaasibadaha gaarka ah. Waxay taasi laakiin u baahan tahay go'aan xukuumada ka soo baxa.
  • Sharciga ku meel gaarka ah ee talaabooyinka ka hortaga faafitaaka cudurka ee makhaayadaha ku saabsan. Waxa waxyaalaha ay taasi ka kooban tahay ka mid ah shuruuda masaafad kala fogaanshaha kooxaha dadka, cadeynta tallaalka iyo inay makhaayadahu saacadu markay tahay 23 xiraan.

Taloda guud iyo talobiinta 9 Febraayo joogsan doona

  • Taloda khuseysa af saabka/af gashiga markay saxmada gaadiidka dadweynahu jirto
  • Taloda ah in guriga la soo shaqeeyo. Sida Hay'adda caafimaadka bulshada laga soo xigtey, waa inay dib ugu laabashadu si tartiib tartiib ah ugu dhacdaa.
  • Taloda ku socota urrurada dhaqanka, ciyaaraha och madadaalada/wakhtiga firaaqada ee ah inay iska daayaan qabanqaabinta koobabka iyo xerooyinka/kaamamka ee gudaha guryaha lagu qabanaayo.
  • Talobixinta ah in waxbarasahda dadka waaweyn casharada qeyb ahaan/galin ahaan masaafad fog laga qaato.

Taloda iyo talobinta sii jiri doonta 9 Febraayo ka dib

  • Dhamaan dadka 12 jirka ka weyni waa inay sida ugu dhakhsaha badan ee suurtogalka iskugu tallaalaan.
  • Guriga joog oo iska ilaali inaad dadka kale xiriir la sameyso haddii aad calaamado Covid-19 noqon kara leedahay.
  • Dadka waaweyn ee aan is tallaalin waa inay iska illaaliyaan saxmada iyo meelaha gudaha guryaha ee dadka tirada badani iskugu yimaadaan.
  • Si dadka aadka ugu nugul loogu illaaliyo waa inay sii jiraan talaabooyin lagu dhimaayo khatarta daryeelka caafimaadka iyo bukaanka iyo sidoo kale xanaanada dadka waayeelka.

Akhriso warka Hay'adda caafimaadka bulshada (boggu waxa uu ku qoran yahay af Iswiidhish)